ziraat bank

+(995) 322 94-37-04

ziraat bank

000024

კომპანიის შესახებ

სერვისები / პროდუქტები

აქცია / ფასდაკლება

ჩვენ შესახებ

თურქეთსა და საქართველოს შორის სავაჭრო სფეროში განვითარებული თანამშრომლობა და საქართველოში მოღვაწე თურქ ბიზნესმენთათვის საბანკო მომსახურების გაწევის საჭიროება გახდა საფუძველი იმისა, რომ 1998 წელს თბილისში გახსნილიყო ზირაათ ბანკის თბილისის ფილიალი, რომელსაც 2013 წელს შეემატა ბათუმის, 2016 წელს მარნეულის სერვის-ცენტრი და 2018 წელს წერეთლის სერვის-ცენტრი.

ზირაათ ბანკი არის თურქეთის ერთ-ერთი  უმსხვილესი და უძველესი ბანკი, მისი კაპიტალის 100 % თურქეთის რესპუბლიკის სახელმწიფო საკუთრებაა.

ზირაათ ბანკის სერვის-ცენტრებში არ არსებობს კომუნიკაციის პრობლემა, თქვენ მოგემსახურებათ მაღალკვალიფიციური თანამშრომლები, რომლებიც საუბრობენ ქართულ, თურქულ, ინგლისურ და რუსულ ენებზე.

თქვენს განკარგულებაშია თბილისის, წერეთლის, ბათუმის და მარნეულის სერვის-ცენტრებთან ერთად 1850-მდე ფილიალი მსოფლიოს  17 ქვეყანაში.

ჩვენი  SWIFT კოდია  : SWIFT-BIC :TCZBGE22

ჩვენიხედვა

უნივერსალური, სანდო, მაღალი საბაზრო ღირებულებების მქონე ლიდერი ბანკი, რომელიც თავის კლიენტებს პირდება იყოს უფრომეტივიდრებანკირომელიც როგორც საქართველოში, ასევე მთელს მსოფლიოში, თითოეულ მომხმარებელს სთავაზობს სანდო და მაღალი ხარისხის საბანკო მომსახურებას. ბანკი, რომელიც ყველა თქვენთაგანის ბანკია, რომლისთვისაც მომხმარებელი და ადამიანური რესურსები წარმოადგენს ყველაზე ღირებულ აქტივს. ორგანიზაცია, რომელიც თავისი ძირძველი და მდიდარი ისტორიის გათვალისწინებით, მუდმივად ქმნის განსხვავებულ ფასეულობას და ამავე დროს კონკურენტებისათვის სამაგალითო ბანკია.

მიზანი

ჩვენი მიზანია, ვიყოთ ბანკი, რომელსაც ყველაზე უკეთ ესმის კლიენტის მოთხოვნა და საუკეთესო ფორმით ცდილობს დააკმაყოფილოს მისი მოლოდინი. ეთიკური ფასეულობებისა და სოციალური პასუხისმგებლობის თვითშეგნებით, ვცდილობთ ვიყოთ ბანკი, რომელიც წარმატებულ და ნაყოფიერ მუშაობას წარმართავს საერთაშორისო სტანდარტების შესაბამისად და რომლის მთავარი პრიორიტეტი კლიენტის მოლოდინის გამართლებაა.

ჩვენისტრატეგია:

„საიმედო ბანკის“  რეპუტაციის შენარჩუნება, - ბანკი, რომელთან თანამშრომლობაც კლიენტებისთვის სტაბილურობის განცდას ნიშნავს,

მაღალი ხარისხის მომსახურების გაწევა მსოფლიოს მრავალ ქვეყანაში,

კორპორატიული კლიენტების პორტფელის სექტორული განაწილების უზრუნველყოფა,

საკრედიტო პოლიტიკისა და პროცედურების დახვეწის გზით, საკრედიტო პორტფელის ეფექტური მართვა,

საქმიანობის ეფექტურად წარმართვისა და ხარჯების გონივრული მართვის კუთხით რჩევების მიცემა,

კლიენტთათვის ფართო სპექტრის საბანკო მომსახურების გაწევა,

საერთაშორისო ფინანსურ ბაზართან ეფექტური ინტეგრაციის უზრუნველყოფა.

იურიდიული პირები

ჩვენი ბანკის ძირითადი ხედვის გათვალისწინებით, საქართველოში მიზნად ვისახავთ ვიყოთ უფრო მეტი, ვიდრე ბანკი. საქართველოში მოღვაწე ყველა კომპანიისთვის დამატებითი სარგებლის შექმნა ჩვენი მთავარი ამოცანაა.

ჩვენთან უფასოა ანგარიშის მომსახურება.

კლიენტებთან მჭიდრო თანამშრომლობა, მათთვის პროფესიონალური რჩევების მიცემა, უმაღლესი ხარისხის მომსახურების გაწევა და მათ მდგომარეობაზე მორგებული საბანკო პროდუქტების შეთავაზება ჩვენი მუშაობის უმთვარესი პრინციპია

ჩვენი მთავარი პროდუქტი, რომელსაც თქვენ გთავაზობთ:

ხელსაყრელი ტარიფები და სწრაფი ფულადი გადარიცხვები თურქეთში ზირაათ ბანკის 1700-მდე ფილიალების ქსელში,

ერთდროულად საბანკო ანგარიშის წარმოების  შესაძლებლობა სამ სხვადასხვა ვალუტაში (ლარი/აშშ დოლარი/ევრო)

ვადიანი ანაბრის გახსნის შესაძლებლობა ლარში/აშშ დოლარსა და ევროში, რომელზეც პასუხს აგებს ზირაათ ბანკის ფინანსური ჯგუფი.

  • საკრედიტო პროდუქტები
  • გადარიცხვები
  • ვალუტის ყიდვა-გაყიდვა
  • ანგარიშები
  • საბანკო ბარათი
  • ტარიფები